?

Log in

No account? Create an account

ئێخّازۇڸ مۈضاڸۇل ٧ قۈ،  انڸڅۇر (ئێتنێ) قۈ


Воре, магIарулал, нуж гIедегIуге гIуруслъизе, гIурус мацIалда мугъчIвазе, гIурус маданият босизе - гьеб жакъа нужедаса кибниги унаребин, нуж гIедегIе магIарулаллъун хутIизе - гьеб буго цо нухалъ кодоса ани, тIокIаб тIад буссинабизе кIолареб тIабигIат. Жиндир мацIги хвезе тун цоги мацIалъ кIалъалев чи, ахиркъадги гьезде сверула. АхIмад МуртазагIалиев
وۈرې، ماعارۇلال، نۇج عېدېعۇڬې عۇرۇسڸێزې، عۇرۇس ماضالدا مۇغڃوازې، عۇرۇس مادانێيات بۈسێزې - هېب جاقا نۇجېداسا كێبنێڬێ ئۇنارېبێن، نۇج عېدېعې ماعارۇلالڸۇن خۇطێزې - هېب بۇڬۈ صۈ نۇخاڸ كۈدۈسا انێ، طۈگاب طاد بۇسّێنابێزې گۈلارېب طابێعات. جێندێر ماضڬێ خوېزې تۇن صۈڬێ ماضاڸ گاڸالېو چێ، اخێرقادڬێ هېزدې سوېرۇلا.



ب - б ر - р ف - п ڸ - лъ
ت - т ز - з ڣ - пI ڸّ - лълъ
ج - ж س - с ق - къ م - м
ڃ - чI سّ - сс ڨ - кь ن - н
ڃّ - чIчI ش - ш ك - к ه - гь
چ - ч ص - ц كّ - кк و - в
چّ - чч صّ - цц گ - кI ي - й
ح - хI ض - цI گّ - кIкI ا - а
خ - х ضّ - цIцI ڬ - г ێ - и
خّ - хх ط - тI ڮ - хь ې - е
څ - хъ ع - гI ل - л ۇ - у
د - д غ - гъ لّ - лл ۈ - о
ئ - ъ
Гьел гурелги, руго «в»-ялъул кумекалдалъун рихьизарулел лабиалиял /к1ут1биц1ут1изарун рахъулел / гьаркьал:Гв - ڬو , гъв - غو , гьв - هو , дв - دو , зв - زو , кв - كو , къв - قو , кьв – ڨو , к1в – گو , лъв - ڸو , св - سو , тв - تو , т1в - طو ,
хьв - ڮو , хъв - څو , хв - خو , ц1в - ضو , чв - چو , ч1в - ڃو , лълъв - ڸّو , к1к1в - گّو ,
ч1ч1в - ڃّو , ккв - كّو , ссв - سّو , ххв - خّو .
مۇعرۇل تۇن اولاڅازدې،  راڅۇلېل ماعارۇلال
ماعارۇل ماحڬێ ياحڬێ،  هارۇلا صاداڅ بۈسې

ماعارۇل طامۇر،  طاغۇر،  هارۇلا صاداڅ بۈسې
ماعارۇل خانجار راچېل ،  بۈرچاراب صاداڅ بۈسې
صاداڅ بۈسې گۈچۈنڬې،  ماعارۇل ماضڬێ ضارڬێ
صاداڅ بۈسې گۈچۈنڬې،  ماعارۇل عادات،  عامال
صاداڅ بۈسې گۈچۈنڬې،  گێگاراب كێنێ هۇلاك
صاداڅ بارتێ گۈچۈنڬې،  چۈدا طاد ڨێلێ ڸېزې

مۇعرۇل تۇن اولاڅازدې،  راڅۇلېل ماعارۇلال
مېعېر كُاناراب عێيال،  خاساب طاعام بۇگۇنا

ماعارۇل ئێنسۇل غاسطا،  خاساب خێنڸێ بۇگۇنا
ماعارۇل غاسطا كۇڃدۇل،  باطێياب كېف بۇگۇنا
كێنابڬۈ صاداڅ بۈسې،  ماعارۇلڸێ گۈچۈنڬې
ماعارۇڅان اراب ڸار،  راڸداڸ عادێن طاعۇنڬې
مۇنڬۈ طادې قۇلاراو،  طۈگّاراب ئێصّ گۈچۈنڬې
ئۇمۇمۇزۇل خابازدا خۇردۇزۇل ساس گۈچۈنڬې

مۇعرۇل تۇن اولاڅازدې،  راڅۇلېل ماعارۇلال
مێسكێنڸێ كُېر بۈسۇن تې،  كێداڬۈ گۈچۈن تۈڬې

گۈچۈن تانێ راڨالدا،  دۇر بۇگاراب مێسكێنڸێ
بېسدالڸێزې وۇڬۈ مۇن،  كێعان رېس بۇڬۈنێڬێ
صاداڅ بۈسې ماعارۇل،  ماهال راچّارال عارشال
عامال گۈدۈڸارابڬۈ،  گێڃگێڃۇن رېخّې صېرې
هارۇلا صاداڅ بۈسې،  هارۇلا گۈچۈن تۈڬې
گۇدێياب باحارچێڸێ،  هێطێناب دێر خالقاڸۇل


Муг1рул тун авлахъазде, рахъулел маг1арулал
Маг1арул мах1ги ях1ги, гьарула цадахъ босе

Маг1арул т1амур, т1агъур, гьарула цадахъ босе
Маг1арул ханжар рачел , борчараб цадахъ босе
Цадахъ босе к1очонге, маг1арул мац1ги ц1арги
Цадахъ босе к1очонге, маг1арул г1адат, г1амал
Цадахъ босе к1очонге, к1ик1араб кини гьулак
Цадахъ барти к1очонге, чода т1ад кьили лъезе
    
Муг1рул тун авлахъазде, рахъулел маг1арулал
Мег1ер кванараб г1иял, хасаб т1аг1ан бук1уна

Маг1арул инсул гъаст1а, хасаб хинлъи бук1уна
Маг1арул гъаст1а куч1дул, бат1ияб кеп бук1уна
Кинабго цадахъ босе, маг1аруллъи к1очонге
Маг1арухъан араб лъар, ралъдалъ г1адин т1аг1унге
Мунго т1аде къуларав, т1ок1к1араб ицц к1очонге
Умумузул хабазда хурдузул сас к1очонге
    
Муг1рул тун авлахъазде, рахъулел маг1арулал
Мискинлъи квер босун те, кидаго к1очон тоге

К1очон тани ракьалда, дур бук1араб мискинлъи
Бесдаллъизе вуго мун, киг1ан рес бугониги
Цадахъ босе маг1арул, магьал раччарал г1аршал
Г1амал к1одолъарабго, к1ич1к1ич1ун реххе цере
Гьарула цадахъ босе, гьарула к1очон тоге
К1удияб бах1арчилъи, гьит1инаб дир халкъалъул

عاڮواڅ ГIахьвахъ


٢٠١٥ سۈناڸۇل ڬۈچارۇڸ مۈضاڸۇل ٢٦ قۈ،  هۈرڨۈ قۈ - خامێز قۈ

عاڮواڅ


وێڸّا دۇنڬۇن صاداڅ عاڮوالازۇڅې،
عۈلۈڅانڬۈ رۇڬێش نێڸڬۈيان ڸازې.
رێڸّا طاد ماغێڸې طاغرال رېخّێزې،
رۈخېلاڸ هۈبۈلڸۇڅ رێچّالێش نێڸان.
… دێدا رېگېڸ بۇڬۈ رێگّادێسېب ئێخ،
مارگاڃۇدا رۈسداڅ بالاغاراب مۈض.
هېلداسا باڸڬۈ نێج،  عانڃال عۈلێلال
عاڮواڅ صۈ رێهاڸۇل راهدۇڅې شُانا.
راهۇن بۇڬۈ ڬۈردۈ،  ڬۈردۇڅ يێڬۈ ياس،
ياساڸ كېڃ احۇلېب بۇڬۈ حايرانڬۈ.
زۈباڸۇل ضُابزازدې،  خارێل طېهالدې،
خۇرێو داندې كّاراو صۈ عۈلێلاسدې…
كېرېن عېكّانا دێر هېڸۇڅ عېنېكّۇن…
عاڮوالاز جێدېرڬۈ ضاحێلال طاغرال
«طاسا وێشې،  ياساي،  بۈڨاراو واسێن»
ئێرڬادال رېخانا ڬۈردۇڅا جانێر.
دێصاڬێ هۈبۈلاسڬێ هېب عادات ضۇنۇن،
عۈلێلاي ياسالدې سالام هابۇنا.
دێرڬێ شافكا طاغۇر شۇرۇن كّۇن،  مايان،
هێطێناب ڬۈردۇڅې ڮۇرێزابۇنا.
هۈرڨۈب مېخ ئێنالدې ضاحێلال طاغرال
ضۈرۈل ڬۈردازۇڅان رېخۇن راڃانا.
دێر شۇرۇن بېكاراب شافكا طاغۇرڬێ،
حۈرێڅان قُېرق عادێن،  قُاطێب گانضانا.
قُارێڸاراو دێدا ياساڸ ابۇنا:
واس،  مۇن هێطێن وۇڬێن،  ضاق خېكّۈ كّانێن،
خادۇب مێڅ باكّێڬۇن واكّې هانێوان
هېب دۇرڬۈ طاغۇرڬۇن،  هېب دۇرڬۈ راگڬۇن.
دێدا رېگېڸ بۇڬۈ،  نێجېر واسازۇل
صۈحۈ بېطېراڸې طاغۇر باتێڃۈ. —
تالێحاو عۈلێڅان،  مێڅالڬێ ڨۇرۇن،
ڨێنچ عادێن خارانا قاداڅا طادې.
هېو جانێو ڸۇهێنڬۇن،  خال هابې،  ياساڸ
خانطان قانا ڬۈردال باق باكّێزېعان…
هۈرڨۈر سانال انا: سافارال،  راغال،
راڸادال،  شاهارال… شُانا عاڮواڅې.
مۈض بالاهۇن بۇڬۈ هادابڬۈ رۈسداڅ،
ياساڸۇل كېڃ بۇڬۈ هادابڬۈ ڬۈردۇڅ.
ڬۈردۇڅې عۈلێلاز رېخۇلا طاغرال،
دێصاڬێ رېخانا دێرڬۈ ئێشلافا.
صۈڬێداو خارۇلا قاداڅا طادې،
قُارێڸاراو دێدا ابۇلا ياساڸ:
مۇن كُاطۇن كّانێلان،  څاحڸۇلېو وۇڬێن،
بۈرخاتاب ماعاردې عازۇ بان بۇڬێن…
څاحێلاب زۈدێڅان بۈرتۇن انا ضُا. —
كێبې بۈرتاراب مۇن،  دێر عۈلۈڅانڸێ!
يا خېكّۈ واتۇلا،  يا كُاطۇن كّۈلا، —
كێوېڬۈ كّېڃۈ دۇن صۈ ضاراب عۇجدا.

حامزاتێل راسۇل ١٩٥٩

ГIахьвахъ

Вилълъа дунгун цадахъ гIахьвалазухъе,

ГIолохъанго ругиш нилъгоян лъаэе.

Рилълъа ТIад Магъилъе тIагърал реххизе,

Рохелалъ гьоболлъухъ риччалиш нилъан.

… Дида рекIелъ буго рикIкIадисеб их,

МаркIачIуда росдахъ балагъараб моцI.

Гьелдаса балъго ниж, гIанчIал гIолилал

ГIахьвахъ цо ригьалъул рагьдухъе щвана.

Рагьун буго гордо, гордухъ йиго яс,

Ясалъ кечI ахIулеб буго хIайранго.

Зобалъул цIвабзазде, харил тIегьалде,

Хурив данде ккарав цо гIолиласде…

Керен гIеккана дир гьелъухъ гIенеккун…

Пахьвалаз жидерго цIахIилал тIаргъал

«ТIаса вище, ясай, бокьарав васин»

Иргадал рехана гордухъа жанир.

Дицаги, гьоболасги гьеб гIадат цIунун,

ГIолилай ясалде салам гьабуна.

Дирги шапка тIагъур щурун ккун, маян,

ГьитIинаб гордухъе хьуризабуна.

Гьоркьоб мех иналде цIахIилал тIагърал

ЦIорол гордазухъан рехун рачIана.

Дир щурун бекараб шапка тIагъурги,

ХIорихъан къверкъ гIадин, къватIиб кIанцIана.

Къварилъарав дида ясалъ абуна:

Вас, мун гьитIин вугин, цIакъ хекко кканин,

Хадуб михъ баккигун вакке гьаниван

Гьеб дурго тIагъургун, гьеб дурго ракIгун.

Дида рекIелъ буго, нижер васазул

ЦохIо бетIералъе тIагъур батичIо. —

ТалихIав гIолихъан, михъалги кьурун,

Кьинч гIадин харана къадахъа тIаде.

Гьев жанив лъугьингун, хал гьабе, ясалъ

ХантIан къана гордал бакъ баккизегIан…

Гьоркьор санал ана: сапарал, рагъал,

Ралъадал, шагьарал… щвана ГIахьвахъе.

МоцI балагьун буго гьадабго росдахъ,

Ясалъул кечI буго гьадабго гордухъ.

Гордухъе гIолилаз рехула тIагърал,

Дицаги рехана дирго ишлапа.

Цогидав харула къадахъа тIаде,

Къварилъарав дида абула ясалъ:

Мун кватIун кканилан, хъахIлъулев вугин,

Борхатаб магIарде гIазу бан бугин…

ХъахIилаб зодихъан бортун ана цIва. —

Кибе бортараб мун, дир гIолохъанлъи!

Я хекко ватула, я кватIун ккола,—

Кивего ккечIо дун цо цIараб гIужда.

1959 сон. Х1амзатил Расул.

2015 соналъул гочарулъ моц1алъул 26 къо, гьоркьо къо (хамиз къо)

ماعارۇلال رۇڬۈ ڸێگال عادامال

عاجائێبال چاعێ هال ماعارۇلال
عاجائێبال چاعێ هال ماعارۇلال
ماعارۇلاو وۇڬێن ابۇنێ عۈلېل
عۈدۈب حالطێ ئێش ڸۇن،  رېخّۇن حالڮێ تۇن
رۈرتۇلېل صۈصايې حاجاتاڸۇر هال.
صۈحۈ هال راتانا دێدا هادێنال
هۇدۇلڸێڬۇن واصڸێ بێدۇڸ بېسّارال
رۈسۇ ضېخېڃۈڬۈ ضار هێقێڃۈڬۈ
قُارێعېل صۈصازۇل طۇبازابۇلېل.
طۈصېرې صۈصادې داندڃُارالڬێ هال
دۇماڸ صاداڅ عۇرال عادێن رۇگۇنا
راگازۇل جۇرايڬێ جێدېر عامالڬێ
عالام باخێلڸۇلېب بۇگۇنا هازۇل.
هازۇل عێسێنازې عاقلابێ ڨېزې
عاقێلال ڨُارارال خارابێ رۇڬېل
خېرازې ادابڬێ حۇرماتڬێ بۇڬېل
حێنقێ قاي ڸالارېل عۈلێلال رۇڬېل.
هازۇڅ قُارێڸابێ قۇلڃۇن رېخّۇلا
رۈخّېل سۇحماتاڸې عۈرڅێ بۇگۇنا.
بېرتاڸ كۈڃۈڅابێ كامێڃېل هازۇل
كّاراڸۇر باحارال راتۇلېل هازۇل.
هازۇل حالێڮاتێي بادێبې حاضۇ
حێلّايال چاعازې چافان هۇرماڸ څات.
چێڸێ بێلارازدا حېل حېلچاعازدا
حامێدا كێنێڬێ جۈ ابۇلېب هاز.
جاماعاتال صۈصاڸ داندرازارۇلېل
داعبا راعێيالدې عادامال ضالېل
ضاقالێن گانضۈلېل عۈرڨێلالڬێ هاز
عۈدۈرێچّان ڃېزې هارۇن تۈلېب كۇص.
رێڨێ بۈڨارازې،  ڨال بېڨۇلېزې
ڨۈلېل هاز جاوابال جۇجاح باتۇلېب.
جێدېرڬۈ خالقالدا بۇهتان ڸۈلېزدا
بالېب حۇڅدېل ڬاما هال حالڃاڅاداز.
هازۇل باڅاراب صّێم ڨۇردا رېڃانێ
ڨۇرۇ بێڅ بێڅێلا څابارچا عادێن.
هازۇل كّاراب رۈڨێ قُاطێب بۈرڃانێ
قاسێ بېضاب سۈردۈ ڬُانغێلا قۈڸۇن.
هازۇل كۈدۈب طامۇر طامۇلېب باقان
طادېعاناس هازێي ڨۇن بۇڬېب هۇنار.
هازۇل قېدا خانجار قادرۇيالدا ضار
ضالارال چاعاصا ضۇرال رۈسابێ.
الّاهاسۇل كالام هازێې نێزام
ناڅې خۇطان شێناب خابارڸاراب ڸێم.
اواراڬاسۇل نۇخ – هاز بێشاراب مېخ.
هېلداسا بێطاراب طۈگاب هېڃۈ نۇخ.
هازۇل عاقێلزاباز هابۇراب كالام
كێصێ بێصېن ڸۇهۇن بێصۇنا كێبڬۈ.
بېرصێناب هاراڨاڸ هاز احاراب كېڃ
ئۇلكابێڬێ سُېرۇن بۇسّۇنا ناڅې.
هازۇڅ هالبادېرێي هابۇلېب حۇرمات
حادۇرۇن بۇگۇنېب هېزێيې نێعمات
هازۇڅ هۇدۇلاسې باڅۇن ڨۈلېب راگ
رېگّاڸې كاراندا بۇگۇنارېب باگ.
هازۇل نايێل طۇلبێ،  طۈهۈل باخچابێ
طۇهدۇلعان بېرصێنال نېدېهال ياسال
هازۇل زۈدۈر ضۇمال ضۈرۈلال طۈهال
ضُابێڸۇن كېنڃۈلېل ضارازۇل واسال.
هازۇل عالخۇدا چان عۈدۈبڸۇدا اخ
عاڬاراب راڨاڸې ڨېزې قۇوات جان
جاماعاتال صۈڸۇن صېوېڅان وێشۇن
صاداڅ احۇد ئۇنېل حال كّاراڸۇر هال.
تۇشبابێ غالباضاز عادێن غۇرۇلېل
غۇنكۇن صۈڸۇن صاداڅ رېقۈن رۇگۇنېل
راتێزې عېمېرال رێگّێنې داهال
رېگېڸ چاران بۇڬېل چێ ماعارۇلال
هال ڨۇراب راعۇيې خێساردۇلارۈ
خێرێياب راڨاڸې خێلێفڸۇلارۈ
خاساب عامالاڸۇل،  خاساب ياحاڸۇل
خاساب هۇناراڸۇل چێ ماعارۇلال.
كێداڬۈ قامارطال قُاگێ بۇڬېل هال
قۈ حېڮېزې ڸێگال كێرې كّانێڬێ.
كاوكاز ابێلارۈ،  دۇنێيالالدا
داغێستان راعێزې هابۇرالڬێ هال.
الّاهاسې ڬۇرېل بۇطرۇل قۇلێڃېل
قادارال ئێشازدا طاد رېقۈلارېل
حێنقێ قاي ڸالارېل دێر ماعارۇلال
رۈڨۇلا دێي نۇجڬێ نۇج عۇراب راڨڬێ
راڨالدا بێشۇنڬۈ بېرصێناب بۈگۈن
باهادۇرزابازۇل ضار اراب طاڸێ
طۈلڬۈ دۇنيالالدا بېرهېنڸێ بۈسۇن
واسال طاد رۇسّۇنېب دێر اوارێستان.
مێكاعێل حاسانێلازۇل

ГIАЖАИБАЛ ЧАГIИ ГЬАЛ МАГIАРУЛАЛ

ГIажаибал чагIи гьал магIарулал

МагIарулав вугин абуни гIолел

ГIодоб хIалтIи иш лъун, реххун хIалхьи тун

Рортулел цоцае хIажаталъур гьал.

ЦохIо гьал ратана дида гьадинал

Гьудуллъигун вацлъи бидулъ бессарал

Росу цIехечIого цIар гьикъичIого

КъваригIел цоцазул тIубазабулел.

ТIоцере цоцаде дандчIваралги гьал

Думалъ цадахъ гIурал гIадин рукIуна

РакIазул журайги жидер гIамалги

ГIалам бахиллъулеб букIуна гьазул.

Гьазул гIисиназе гIакълаби кьезе

ГIакъилал кьварарал хараби ругел

Херазе адабги хIурматги бугел

ХIинкъи-къай лъаларел гIолилал ругел.

Гьазухъ къварилъаби къулчIун реххула

Роххел сухIматалъе гIорхъи букIуна.

Берталъ кочIохъаби камичIел гьазул

Ккаралъур бахIарал ратулел гьазул.

Гьазул хIалихьатий бадибе хIацIу

ХIиллаял чагIазе чапан гьурмалъ хъат.

Чилъи биларазда хIел-хIелчагIазда

ХIамида киниги жо абулеб гьаз.

ЖамагIатал цоцалъ дандразарулел

ДагIба-рагIиялде гIадамал цIалел

ЦIакъалин кIанцIолел гIоркьилалги гьаз

ГIодориччан чIезе гьарун толеб куц.

Рикьи бокьаразе, кьал бекьулезе

Кьолел гьаз жавабал жужахI батулеб.

Жидерго халкъалда бугьтан лъолезда

Балеб хIухъдел гама гьал хIалчIахъадаз.

Гьазул бахъараб ццим кьурда речIани

Кьуру бихъ-бихъила хъабарча гIадин.

Гьазул ккараб рокьи къватIиб борчIани

Къаси бецIаб сордо гвангъила къолъун.

Гьазул кодоб тIамур тIамулеб бакъан

ТIадегIанас гьазий кьун бугеб гьунар.

Гьазул къеда ханжар къадруялда цIар

ЦIаларал чагIаца цIурал росаби.

Аллагьасул калам гьазие низам

Нахъе хутIан шинаб хабарлъараб лъим.

Аварагасул нух – гьаз бищараб мех.

Гьелдаса битIараб тIокIаб гьечIо нух.

Гьазул гIакъилзабаз гьабураб калам

Кици-бицен лъугьун бицуна кибго.

Берцинаб гьаракьалъ гьаз ахIараб кечI

Улкабиги сверун буссуна нахъе.

Гьазухъ гьалбадерий гьабулеб хIурмат

ХIадурун букIунеб гьезие нигIмат

Гьазухъ гьудуласе бахъун кьолеб ракI

РекIкIалъе каранда букIунареб бакI.

Гьазул найил тIулби, тIогьол бахчаби

ТIугьдулгIан берцинал недегьал ясал

Гьазул зодор цIумал цIоролал тIогьал

ЦIвабилъун кенчIолел цIаразул васал.

Гьазул гIалхуда чан гIодоблъуда ах

ГIагараб ракьалъе кьезе къуват жан

ЖамагIатал цолъун цевехъан вищун

Цадахъ ахIуд унел хIал ккаралъур гьал.

Тушбаби гъалбацIаз гIадин гъурулел

Гъункун цолъун цадахъ рекъон рукIунел

Ратизе гIемерал рикIкIине дагьал

РекIелъ чаран бугел чи магIарулал

Гьал кьураб рагIуе хисардуларо

Хирияб ракьалъе хилиплъуларо

Хасаб гIамалалъул, хассаб яхIалъул

Хасаб гьунаралъул чи магIарулал.

Кидаго къамартIал къвакIи бугел гьал

Къо хIехьезе лъикIал кире кканиги.

Кавказ абиларо, дуниялалда

Дагъистан рагIизе гьабуралги гьал.

Аллагьасе гурел бутIрул къуличIел

Къадарал ишазда тIад рекъоларел

ХIинкъи-къай лъаларел дир магIарулал

Рокьула дий нужги нуж гIураб ракьги

Ракьалда бищунго берцинаб бокIон

Багьадурзабазул цIар араб тIалъи

ТIолго дунялалда бергьенлъи босун

Васал тIад руссунеб дир Аваристан.


МикагIил ХIасанов

وۈرې واس

٢٠١٥ سۈناڸۇل طێنڃۇڸ مۈضاڸۇل ١١ قۈ،  چّۇعادۇر (ارباع) قۈ
عۈرضۇن لاغڸێيالدا بۇگێنېعان باقۇن ئېركېنڸێيالداڬۈ ڸێگێلا.
كُانازې جۈ بالاهێزې باڃۇنېب باضێدا هۈي داندېڸانێلا.
- دۇر ڨاراڸێڬۈ شێب؟ ڸێصاعاڬێ مۇن هېب حالاڸ ڮێڮۇلېب؟ - ان هێقانێلا باضێصا.
- رۇق باگ ضۇناراڸۇڅ خُاجائێناس ڮێڮۇلا،  - يان ابۇنێلا هۈيصا.
جێنصاڬێ ضۇنێلائانێن رۇق باگ،  كُانازې جۈ ڨۈلېب باتانێيان ابۇنێلا باضێصا. رازێڸانێلا هۈي باض رۈسۇڸې باچێنې.
هۈي صېبې صېبې بۇگانێلا،  باض خادۇب بۇگانێلا.
باضێصا هۈيدا هێقانێلا هېب دۇر ڬابۇراڸې ڸۇهاراب جۈ شێبێلان. راخسێصا حۇلێزابۇن بۇڬێلان ابۇنێلا هۈيصا.
- هېدێن باتانێ،  بێڸّێنارۈ دۇن دۇدا صاداڅ. عۈرضۇن لاغڸێيالدا بۇگێنېعان،  باقۇن ئېركېنڸێيالداڬۈ بۈڨێلا.
هېدێنڬێ ابۇن،  باض رۈڮۈبېخۇن بالاهۇن انێلا.


ГIорцIун лагълъиялда букIинегIан бакъун

эркенлъиялдаго лъикIила.

Кваназе жо балагьизе бачIунеб бацIида гьой данделъанила.

- Дур кьаралъиго щиб? ЛъицагIаги мун гьеб хIалалъ хьихьулеб? - ан гьикъанила бацIица.

- Рукъ бакI цIунаралъухъ хважаинас хьихьула, - ян абунила гьойца.

Жинцаги цIунилаъанин рукъ бакI, кваназе жо кьолеб батаниян абунила бацIица. Разилъанила гьой бацI росулъе бачине.

Гьой цебе цебе букIанила, бацI хадуб букIанила.

БацIица гьойда гьикъанила гьеб дур габуралъе лъугьараб жо щибилан. Рахсица хIулизабун бугилан абунила гьойца.

- Гьедин батани, билълъинаро дун дуда цадахъ. ГIорцIун лагълъиялда букIинегIан, бакъун эркенлъиялдаго бокьила.

Гьединги абун, бацI рохьобехун балагьун анила.

2015 соналъул тIинчIулъ моцIалъул 11 къо, ччугIадур (арбагI) къо

راجبادێنێل حاقاڸۇڸ كېڃ


٢٠١٥ سۈناڸۇل طێنڃۇڸ مۈضاڸۇل ٩ قۈ،  انڸخۇر (ئێتنێ) قۈ
راجبادێنێل  حاقاڸۇڸ كېڃ

رۇگېڸ چاران بۇڬېو،  چانڬێ ناڅباگاو
چارخێدا خُالچېن كّۇن،  قاڃان راعۇلا.
چۈرخۈڸ ئێياح بۇڬېو عێنقاو حاجێياس
الجاناڸې راچېل بۈرچۇن راعۇلا.
بېطېرالدې طاغرال باحارالڬێ ڸۇن،
طۈغرۈدا چالمابێ عۇرچّێنالڬێ قان،
ڨابۇن رێڮۇن خۇنجرۇل باڨۇڸڬێ رۈرچۇن،
ضان رێڮۇن خُالچابێ ڮۈلبۈداڬێ ران،
ڨُاهۇن رێڮۇن څێرمال مۇغالداڬێ ران،
قۈقانا راجبادێن جانێب ضۈرالدې.
ضۈراڸۇل عۇرڅۇدې جێو شُاراب مېخاڸ،
صۈ هارێ هابۇنا راجبادێنێصا.
اواراڬزابازۇل زامانايالدا
زێرارێيې  عاداب تالێح ڨېڬێيان.
خادۇبڬۈ هارانا عۈلۈڅاباصا
هادال ناڅا رۇڬېل ڬۇرجێ مۇسۇدۇل،
هېلڬێ ناسێبڸاڬێ،  هارداراو الّاه.
ڸّارادا ناط بۇڬېل څُېزېڅێل ئۈصال،
هېلڬێ څۇن راتاڬێ طادېعاناسې.
ڬۇرجێ ضۈرۈي گانضۇن،  داولاڬێ هابۇن،
دۈب طۇرێسێنالدا  مۇسۇدۇلڬێ كّۇن،
ڸّارادا ناط بۇڬېل څُېزېڅێل ئۈصال
ضالاصا ڨابعانا عۈلۈڅاباصا.
هېدێناب حالالدا،  ڸێگاب كۇصالدا،
كامێلاب داولاڬۇن جال راڃێناڬۇن،
ماڨێڸ بێڮانێلا صېوېڅاناسدا
جێدېر چاراب خُالچېن بێدۇل حۈرێنێب.
خادۇبڬێ بێڮانا عۈلۈڅابادا
خۇنجرۇل ڬۇنڬێنێسان بێيال هېقۈلېل.
شێبداي،  كێندايێلان طۇرگۇن وۈرڃانا،
الّاه،  مۇن بۇحاياب،  نۇخ كّۇن باتانا.
– نێجېيې نۇخ بێچّاي،  حامۇل ڬۇرجێيال،
نێج ئېبېل ئێنسۇيې صۈ صۈ رۇڬېڸۇل.
راچارال ڸۇدبۇزې نێج خێرێيال جال.
– نۇج ئېبېل ئێنسۇيې صۈ صۈ راتانێ،
باڨۇڸا قۈطێلا،  گێ گێ هارێلا.
راچارال ڸۇدبۇزې خێرال راتانێ،
لۇڬبێ هانێر تېلا،  بۇطرۇل رێطێلا.
زۈبالدې رۈرجێنې كۇرڨبێڬێ ڬۇرېل،
جاقا ڸالاڬۇرێ ڸێياو صېوېڅان.
راڨۇڸې ڸۇهێنې ڬۇزبێڬێ ڬۇرێن،
هات ،  بێڮێلاڬۇرێ هێطێناب قۈقا.
– زۈدۈرې رۈرجێنې كۇرڨبێ ڬۇرېلداي،
ڨابعۇن چۇچۇلارېل چارال خُالچابێ.
راڨۇڸې ڸۇهێنې ڬۇزبێ ڬۇرېلداي،
ڨُاهۇن الخۇنارېل رۈص څاحال څێرمال.
هايا،  عۈلۈڅابێ،  راڅايا طادې،
ڬۈح بۈرخاتاب بێڮۇن قايا سانڬارال.
خۇنجرۇصا عۇرۇ سّۇن،  سانڬارال قانا،
سانڬارال عېڃېڸۇب څُېڅۇن ئۈصال ران،
قُال بازې راچارال ڬۇرجێ مۇسۇدۇل،
قۈط قۈطۇن رېخانا سۈنڬرۈل قادادې.
– ڨُاهې،  عۈلۈڅابێ،  رۈص څاحال څێرمال،
ڮُاعې،  عۈلۈڅابێ،  چارال خُالچابێ.
جاقا چۇچاراوڬێ دێر چۇقا ڬۇرۈ،
چۇچۇن واغاراوڬێ ڸادۇل ضار كّايڬێ.
جاقا خُارالازۇل خُېلڬێ شاهێداب،
ناڅې خۇطارازۇل ضارڬێ گۇدێياب.
ڨُاها ڨُاهاراڸۇل رېڃّێ بێڮێدال،
ڨابعاراب خُالچادۇل قۈطێ بێڮێدال،
احدېزې ڸۇهانا ڃُاياو كاماندێر،
نۇج هێطێناب قۈقا كێسايان ابۇن.
نێج،  هێطێناب قۈقا ناڅاڮێندالال ،
هاب قۈقادۇل بېطېر رېقاو راجبادێن.
– واڃا،  لې،  راجبادێن،  رېقېل هابێزې،
عاراص بۈڨانانێ څاتێصا ڨېلێن.
مېسېد بۈڨانانێ،  راعێصا ڨېلێن،
ياسال رۈڨانانێ،  چېرڬېسال ڨېلا،
واسال رۈڨانانێ،  واسالڬێ ڨېلا
چاكمابادا جانێب ئېغې بۈرخاتال.
دۇرڬێ دێرڬێ ئێنسۇل رېقېل باتێڃۈ،
رېقېلا نێڸېدا فێرخێ خُالچادۇل.
گێيازۇلڬۈ ئێنسۇل خێسێ باتێڃۈ،
خێس خێسۇن طامێلا مازڬارۇل ڬۇلّا.
نێجېي دۇصا ڨۈلېل ياسالاداسا
نێجېي بێچاس ڨېلا حۇرۇلعێنزابێ.
دۇصا نێجېي ڨۈلېل واسالاداسا
بێچاس نێجېي ڨېلا فێرداوۇس الجان.
دۇصا نێجېي ڨۈلېب عاراصڬۇن مېسېد
بێچاس نێجېي ڨېلا حالالاب داولا.
گال هێقاراب راعێ داندې بێصێندال،
څُان كاغات بێطانا ڬۇمۇرخاناسدې.
واڃا،  لې،  ڬۇمۇرخان،  ڬۈر قُارێڸۇڅې،
تۇمانگ رېڃّۇنێلان،  بێ باكّۇلارۈ،
خُالچېن ڨابۇنێلان،  هان قۈطۇلارۈ،
صۈ عالامات بۇڬۈ ڬۈر قُارێڸۇڅې،
كُېر بازې گۈلارۈ ماعارۇلازدا.
څاتێصا عاراص ڨۇن،  عۇرۇسڬێ باچۇن،
عۇردادې خېر عادێن،  سالدات باگارۇن،
واڃانا ڬۇمۇرخان ڬۈر قُارێڸۇڅې.
عۈدۈو وۇگانانێ،  راڨ باغارۇلېو،
طادې واڅانانێ،  زۈب هېبېهۇلېو.
– واڅا،  لې،  مۇن طادې،  دێر هێطێناو واص،
رېگا مۇن دێر چۈدا،  ا مۇن غۈلۈدې.
هېنێسا غۈلۈدې شۇڬۈ قۈيێل نۇخ،
قاڸێلالدې شُېلا شانگلال څاحاب چۇ.
هێقارێيال ابې،  سالامال ابې،
سُېرۇن ڬۇرجێياز كّۇن،  قانێلان ابې.
واصاسۇل چۇ رېگۇن غۈلۈدې شُانا:
– اسّالام عالايكۇم،  غۈلۈدێسێسېل.
– وا عالايكۇم سالام،  صۈ ماعارۇلاو.
ڬۇلّايێش ابخاراب،  خېرێش رېهاراب،
خُالچېنێش چۇچاراب،  چۇيێش سُاكاراب؟
ڬۇلّا ابخێنارۈ،  خېر رېهێلارۈ،
خُالچېن چۇچێلارۈ،  چۇ سُاكالارۈ،
سُېرۇن عۇرۇساز كّۇن تانا باهادۇر.
رۈخالێ ڨُاهۇلېب رۇماب عارادا
عۇردادې ڨُاهانا،  بۈ باگارانا.
رادال قاڸێزېعان تێقُا ماع ڃُانا،
قاڸۇداسا ناڅې چۇيال ڸّۇڸّانا.
هاقلێصا مېختارال هال عۈلۈڅابێ،
ڬۇرجێيال رێڮێدال،  گۈلارۈ ڃېزې.
گالضۇصا صّۇڸارال ڬُانزال بارتابێ،
رۇغۇن طۇن راڅانا ڬۈر قُارێڸۇڅې.
مێندارۇڸ څات ڨابۇن،  چۇيالڬێ ڨۈلۈن،
قاڸۇداسا ناڅې چابڅېن هابۇنا.
عۈدۈر ناكابێ ڃُان دۇن واغۇلېڸۇل،
صۈ غۇغاي باڅانا غالێل راڨاندا.
شێبداي كێندايێلان طادې وۈرخێدال،
طادې شۈلېو وۇڬۈ دێر هێطێناو واص،
هۈرۈصا څامۇراب طاماخ عادێنان.
– اسّالام عالايكۇم،  نۇج ماعارۇلال.
– وا عالايكۇم سالام،  نۇج غۈلۈدێسېل.
خُاشگالدێ څێزانان هێقاردێلاڬۈ،
چۈدۇل قالال قانا عۈلۈڅاباصا.
ئېرمېنێ خاناسۇل خالعادۇل چادێر،
چۈل مالاڨ مېرڮانا هێطێناو واصاس.
چادێرالدا جانێر حامۇل ڬۇرجێيال
خۇنجرۇصا څُېڅانا عۈلۈڅاباصا.
عالێبېڬێلاسۇل  چۈل بۈخ بېكانا،
عالێحاجێياسۇل  چّۇگېل باڅانا.
رېقاو راجبادێنێل ناكۇ غۇرانا،
هاب جۈ هېرېسێيان ڸاڃېز ابۇنا.
هانال ماحۇ ڃُاڃێش يېدێيارالدا ،
بێدۇل عۈر بېتێڃێش كۈر  قُارێڸۇڅې
بۇطرۇزۇل سێ باڃێش دۈب باجدابادا،
ئېمېن،  واس خۇطێڃێش ال غارێمازۇل.

عۇماخاناسدې

٢٠١٥ سۈناڸۇل طێنڃۇڸ مۈضاڸۇل ٩ قۈ،  انڸخۇر (ئێتنێ) قۈ
عۇماخاناسدې
عېنېكّې،  عادامال،  خابار بێصێنێن
خايبارالدې عۇنطۇن ضار راعاراسۇل
ڃاڅايال،  گاڸاڬې هۇنار احێزێن
دۈب مادێنايالدا رۈخېل ڸۇراسۇل
خايبارالدې عۇنطۇن ضار راعێ ڬۇرێش
ضۈراڸۇل خانزابێ دۇداسا حێنقێ؟
دۈب مادێنايالدا رۈخېل ڸېي ڬۇرێش
غۈب فێرعانێل ئۇمّات دۇدېخۇن بۇسّێن؟
مېسېدێل هێندێوې هاوۇراو لاچېن
هۇنارازې واڅا دۈوې ڃاراڅې
هۇنار بێچاس ڨۇراو عالێل زۇلفۇقار
قۈطارێزې وێڸّا كافۇرڸێيالدې
واڅايێلان ابې،  طالطا عۇماخان
ڬالامال رێخّۇلېب باراداڸۇل خېر
سانڬارال طۇطۇلېب،  رۇماب عارادا
خُالچاي چارامازۇل بۈيالڬێ هارۇن
ماخّۇڸان بېر باكّۇن،  خۇنز صاداڅ راچۇن
بۈدې عاقلۇ ڨۈلېو عالێسكاندێڬۇن
عاقلۇ كامێلڸاراو بېصّاو چۇفانڬۇن
دايتێلالڬێ راچۇن،  ئۇغۇزێلالڬۇن
ضۈراڸۇل حال ڸالېل،  حێنقێ طاعارال
رېهۇن تامانچابێ راچلێڅڬێ راڅۇن
باضێل ڸّۇلدۇل رۇڬېل څێرمالڬێ رۈسۇن
څۇزڅۇزدا رۇهۇنال ئێستامبۇلالڬۇن
طاد تارێخال څُارال دۇغالڬێ رۈسۇن
ماخّدا رۇقارۇلېل،  قانكّۇن ڃۈلارېل
گانضۇن چان تۈلارېل چۇيالڬێ رېگۇن
غۈرڸې جۇران ئۇنېل بايراڅچاعێڬۇن
واڅۇن ئۇن عۇماخان حۇراڅ رېشطێندال
بۇغێي ضاقاب تانا تۇشمانزاباصا
عۇرۇڅ چادێرازۇل څاحڸێ بێڮێدال
طۈلڬۈ نۇر سۇن انا ڬۇرجێستاناڸۇل
واڅۇن ئۇن عۇماخان ڃاراڅ رېشطێندال
بۇبۇدێ خېخڸانا تۇشمانزابازۇل
عاجاوخان،  عاقلۇخان،  كامالێ راچۇن
مۇغازدا فاجال ران،  فێلێل بۈ باچۇن
ڬاوازێ ماوراڬۇن،  مۇخرانێ خانڬۇن
خانزابازۇل اسكار صاداڅڬێ باچۇن
قُاطێو واڅانێلا تێفلێساڸۇل شاه
عۇماخان وۇحێزې چۈل بۈڬێ باچۇن
واڅۇن شُاراو خۇنكار كافۇرڸێ باچۇن
هێناڸۇل كاوۇدا تارێخ څُالێلان
چێڸێ بۇڬېلشێنال صاداڅڬێ راچۇن
فۈڅێصا صّۇڸارال چۇيالڬێ رېگۇن
چېرخالدا بېرڃُانێ،  عادان حێنقۇلېل
څاحال ماكّال عادال،  قۈلدابێ رېطۇن
باقۇل نۇر سّۇن ئۇنېب ياراغڬێ بۈرچۇن
مێسكێنالشێنازې ساداقاڬێ ڨۇن
ڸۇدبێ رۇڬېلاصا ضارالڬێ طامۇن
قۇلهۇ ضالۇن،  ياراغ چېرخالداڬێ بان
خێرێيال دۇعابێ خُالچابازدا څُان
شُانا غۈلۈدێسېل الازانالدې
اسّالام عالايكۇم،  خۇنزاڅ عۇماخان
وا عالايكۇم سالام،  ڃارڸۇل باحارزال
ضۈرالداسا داولا دۇي ناسێبڸاياو
داولاڬۇن رۇقالدې مۇن ڸێگ واچاياو
ازارڬۈ عۇرضماطا خازێناڬێ قان
نۇسڬۈ وارانێدې مېسېد باگارۇن
كۇتاكاڸ راڅۇلېل څۇلبۇزدې عۇنطۇن
قۈئازار رېگاراو صاداڅڬێ واچۇن
شُانا شێراكالدې دۈو ئێبراهێمخان
واخان باڅۇلېزې حال ڨېزېيێلان
يا دۈب واخانڅالا،  دۈب ڬۇمۇشڅالا
عالێ،  عۇمارێدا راڅێزې گُېڃېل
راڅۇن بۈدې ڨۇراو نۇصالاسۇل واس
واخانڅالا باڅۇن،  څۇزڅۇل غۇراراو
ڬۇمۇشڅالا باڅۇن،  اسێر هابۇراو
دۈب فێرعانێل ئۇمّات هالاڬ هابۇراو
دۈو هېرېگلێل ئۇلكا كُېردې بۈساراو
كێنالڬۈ خانزابێ حاطێڨ طامۇراو
تۇشمانال شاهارال ضادۇد رۇحاراو
ماغرێب ماشرێقالدې ضار دۇر راعاراو
ضۈراڸۇل ڸێمادا بێصېن دۇر ڸاراو
باعار عاراسالدې عۇرڅێ ڨابۇراو
ڬۇلّا الخۇنارېو،  خېر راهالارېو
سالێيانێل بۈيال راڨالدې راراو
خُالچېن چۇچۇلارېو،  چۇ سُّاكالارېو
لاطێف فاشال قۈقا قانێڨ بۇقاراو
قانال حاجات هېڃۈ باهادۇراسې
خانزابازۇلڬێ خان،  ڃُاياو نادێر شاه
دۇر خابار راعێدال،  لۇڬبال سۈرۈراو
خالقاڸې گۇدێياو قاجارازۇل شاه
دۇر بۈڬان عۇنطێدال،  غانضۇن سۈرۈراو
دۇنێيال قاڸۇلېب،  قافاڸۇل مېعېر
قُاطێب چادێر ڃُايدال،  بېر عۇراب دۇيې
ڬۈرالێڸ بېڬۇلېب ازدۈهۈدۇل راگ
مۇن وۇسّۇنڬېڬێيان هارارال خُايڬێ
بۈدۇل شاهارازدې شاه شاهارازدې
شێباب شاهارالدې راسۇلڬێ طامۇن
احدېزې رېگانا ڃُاياو ئێمانسێز
«تێفلێساڸۇل كاوۇ راهۇن تېيێلان
كاوۇداسا حۈسال راڅۇن تېيێلان
صۈ بۈ باڃۇن بۇڬۈ خۇنزدېرێلێلان
ئېزۇلڬۈ خان وۇڬۈ عۇماخانێلان»
چانڬێ خان واڅانا عاطێراڨالدا
فۇلاوۈ كُانالېل،  چالتۇڬ بېڸۇنېل
صۈ خان واڅۇن وۇڬۈ خۇنزدېرێل طالطا
خارێصا ڬالامال زۈدێڅې رالېو
ماخّۇل سُّېرانێڬێ،  ڬۇلمۇل تۈلارېو
ڬانڃێل هارۇنێڬێ سێيال تۈلارېو
هېسدا خادۇر رۇڬېل هېل عۈلۈڅابێ
ضاداي گانضێزېڬێ ناڅې قالارېل
عۇمار،  عۇسمانێيې نافاقا قېڃېل
ناكالدا كُېر ڨابۇن كاك بێخّۇلېزدې
بێچّان تاراب خُالچېن خۇنزدېرێل خاناس
عاجۇج  ماجۇجاڸۇل عۈرڅۇدې شُېعان
جانێو هێندێو وۇگۇن تۇمانگ رېخانێ
تۇلفێساڸۇل خانڬێ جانێو واخچاراو
بێخّاڬێ،  فادێشاه،  دۇر مېسېد عاراص
قُاطێو طالطې واڅۇن گالدێن څُاعانێ
تېلاوۇرێ كاوۇ جێنصا قۈطۇلېب
ناعلابێ شۇشايڬێ اختال خُالچادۇل
هاكێل دُارێ بۇڬۈ دۈب دېربېنتالدا
داغێستاناڸۇل خان خۇن راعۇلێلان
تۈفێل رۈخېل بۇڬۈ ڬۇرجێڸێيالدا
خانزابازۇل خاناس دۇنيال تانێلان
باقڬێ ضاق بۇحۇلېب ڃارتالانۇبې
وۇحانێش،  عۇماخان،  خێناب هۈرۈصا؟
ضادڬێ تێرۇن بالېب ماجڬێتۇل گالطې
ارالێش حارۇحۇن حانعارصۇل غۇجدۇل؟
عۇماخانێل مێسرێ بۈسنۈب بێئێندال
ضۈراڸۇل غۇلدۇصا ڃېعېر باڃۈداي؟
خاناسۇل مۇسۇدۇل غۈلۈدې شُېدال
غۇلدۇزۇل چۇندۇصا ماعۇ طېڃۈداي؟
قۈلدېن سُّېرۇن قالېل گالدابێ رۈرچۇن
قاسێ راڅۇن ارال احماطخانێلال
قُارێڸۇڅ رۈرچۇنېل خُالچابێ رۇڮۇن
حاطێل عێضڬۈ ارال ياس ڨۇرال دۇرصال
ڃابار ياقۇتاڸۇل،  قېد كێراجاڸۇل
ضارۇيې غۇغايان – غۈي دۇر گێڸێلاي
ڃالۇ مېسېدێلاب،  رێڮێ عارصۇلاب
طۇن عۈدۈبې ايان – اراي څێسطامان
عۇماخانێل چادێر چۈدې ڃُان بۇڬێن
چۇ ڸێيې ڨۈلۈلېب،  واي عالێبۇلات؟
نۇصالاسۇل دۇغال قېدا ران رۇڬێن
قُاطێر شال راڅۇنېل،  احماطخانێلال؟
صۈ عايێبنێ كّانا عۇماخاناسدا
گۈلاڬۈ كافۇرڸێ كُێنڃۈڬۈ تېدال
صۈيڬێ
دۇر خابادا بۇڬېب كێراجاڸۇل قېد
كافۇرازۇل خارێد ڃېعېر بېڸايڬێ
دۇر خابادا ڃُاراب مېسېدێل زانێ
ازناوۇرزابازۇل ڬۇلّێد بۈرڸاڬێ
خُېلارېو،  خُېلارېو،  لاچېن عۇماخان
ڮێندالازۇل بۈڬۇن ضۈردا واتێلا
خُېزې رېسڬۈ هېڃۈ شاه عاباسێل واس
حالاج عابدۇلاهڬۇن هاقلێد واتێلا
ڮێندالازۇل بۈڬۇن مۇن ضۈرداڸێدال
ضار بۇڬېل دۇر بۈيال شايزې رێخّۇلېل؟
حالاج عابدۇلاهڬۇن مۇن هاقلێدڸێدال
هېرېگلێل چۇقبۇصا رۈخېل شاي ڸۈلېب؟
ڃاراڅ هۈبۈلاسۇل هايباتاب هېقېل
خېر هۈرڨۈب جۇباراب،  هۈضۈ راعاراب
هۇئێنێش بێڮاراب،  عۇماخان،  دۇدا؟
دۇيې رېگّ هابۇراو ڃاراڅا هۈبۈل
ڃاڬۈ دۇنيالالدا ئېخېتۇڬېڬێ
خېر ڨېزې ئۇرغاراي احماطێل عاشات
عاجالاڸۇل ئۇنتۇد تۇرايڬێ بۈسنۈي
هۈلۈڨا باڅاراب ضۈلۈڨ شُېزېعان
ضالاصا بۇخۇلېب چاغار طاعاياو
ضۈرۈسا باڅاراب مۇسۇكێب عۇنطۇن
خۇنجێصا بۇخۇلېب دۇلۇغ بېڬاياو
بۈضێ قُارێعۇنێش مۇن ضۈرۈو اراو
بۈضۇڅ شاي بێچێڃېب هۈلۈڨ ماغالۈ؟
ضار قُارێعۇنێش مۇن قُاطێو واڅاراو
ضارۇيې شاي ئێنڃېو ئێستامبۇلالدې؟
خۇنزاڅا ضۈرۈيې ضالاد قۈطێعان
ضۈلبۈل چاغێر بۈسۇن چاعێ راچاراو
ضۈرالداسا ناڅې خۇنزاڅې شُېعان
چۇيازۇل طُارقێياڸ طالۇ باساراو
مۈضرۈڅې ضۈر خالېب ضاحێل عالارچا
ضۈرالدې بالاهۇن حێحێلېب بۇڬۈ
ضُّايێڅ نۇخ باچۇنېب دۇر ڬۇردا خُالچېن
ماعێداڬێ دالۇن،  عۈدێلېب بۇڬۈ
مېسېدێل كارتالدې كارفێت جۇباراو
كارتڬۇن ماحرۇمڸاياو،  دۇر حالڃاڅاياو
كاوۇيالدا نۇضبێ رېزاڸۇل غۇراو
ياصال ياسال خُاياو،  لاچېن عۇماخان
دۇر عێيال كُانالېب غۈب زاعێب باقڸێ
طۇن عۈدۈبې ايڬێ،  كانڸێ نۇصالخان
دۇر چۇيال طامۇلېل هۈلۈڨ بايدابێ
زۈدێڅې ڨُاهايڬێ،  دارمان عۇماخان
بێخّاڬێ،  فادێشاه،  دۇر مېسېد عاراص
شۇشانێن ناعلابێ اختال خُالچادۇل
Я г1арцул чванта ц1ела, я салул гвангвара ц1ела.
يا عارصۇل چُانتا ضېلا،  يا سالۇل ڬُانڬُارا ضېلا.
Чаран къвак1ула бац1анаг1ан, маг1арулас къо х1ехьола х1ал ц1ик1к1анаг1ан.
چاران قُاگۇلا باضاناعان،  ماعارۇلاس قۈ حېڮۈلا حال ضێگّاناعان.

Гъалбац1алъ нахъе ц1око тола, г1адамас ц1ар тола
غالباضاڸ ناڅې ضۈكۈ تۈلا،  عاداماس ضار تۈلا

Ват1ан гьеч1ев чи чед гьеч1еб таргьа
واطان هېڃېو چێ چېد هېڃېب تارها
Нилъерго ват1ан алжан, чияр бак1 жужах1
نێڸېرڬۈ واطان الجان،  چێيار باگ جۇجاح
Чияр ракьалда чи беццав
چێيار راڨالدا چێ بېصّاو
Жиндирго ракь чохьол эбел, чияр ракь бесдал эбел
جێندێرڬۈ راڨ چۈڮۈل ئېبېل،  چێيار راڨ بېسدال ئېبېل
Т1олго дунял сверана, алжан рокъоб батана
طۈلڬۈ دۇنيال سُېرانا،  الجان رۈقۈب باتانا
Ват1ан ц1унун хварав чи, хабалъ ч1аго вук1уна
واطان ضۇنۇن خُاراو چێ،  خاباڸ ڃاڬۈ وۇگۇنا
Надир-шагьасул боял кутакал, чабхъенал гьаризе маг1арулал ц1акъал
نادێر شاهاسۇل بۈيال كۇتاكال،  چابڅېنال هارێزې ماعارۇلال ضاقال
Шагь г1адаллъун ватани, Дагъистаналъулгун рагъде виччан те
شاه عادالڸۇن واتانێ،  داغێستاناڸۇلڬۇن راغدې وێچّان تې
Рет1ел ц1ияб лъик1аб, гьудул басрияв лъик1ав
رېطېل ضێياب ڸێگاب،  هۇدۇل باسرێياو ڸێگاو
Квешав гьудуласдаса къадруяв тушманго лъик1
كُېشاو هۇدۇلاسداسا قادرۇياو تۇشمانڬۈ ڸێگ
Къун вач1иналдаса хун вач1ин лъик1
قۇن واڃێنالداسا خۇن واڃێن ڸێگ
Хъубаб х1ориниса бац1ц1адаб лъим чвахулареб
څۇباب حۈرێنێسا باضّاداب ڸێم چُاخۇلارېب
Ракьулъе реханиги, месед холареб, хабалъе аниги, бах1арчи холарев
راڨۇڸې رېخانێڬێ،  مېسېد خۈلارېب،  خاباڸې انێڬێ،  باحارچێ خۈلارېو
Годек1анив гурев, рагъдайин лъалев бах1арчи
ڬۈدېگانێو ڬۇرېو،  راغدايێن ڸالېو باحارچێ
Бах1арчи кьалда хола, х1алихьат боснов хола
باحارچێ ڨالدا خۈلا،  حالێڮات بۈسنۈو خۈلا
Бах1арчи чол кьолонив холев
باحارچێ چۈل ڨۈلۈنێو خۈلېو
Бах1арчи цин хола, ц1ук1а к1иц1ул
باحارچێ صێن خۈلا،  ضۇگا گێضۇل
Кьабулареб бахъуге,
Кьвагьулареб борчунге
ڨابۇلارېب باڅۇڬې
ڨُاهۇلارېب بۈرچۇنڬې
Маг1ида бан тезе туманк1 босуге, хинк1ал ч1вазе г1оло ханжар борчунге
ماعێدا بان تېزې تۇمانگ بۈسۇڬې،  خێنگال ڃُازې عۈلۈ خانجار بۈرچۇنڬې
Хъирин кьвагье, к1к1уй бетизег1ан, хвалчен кьабе бекизег1ан
څێرێن ڨُاهې،  گّۇي بېتێزېعان،  خُالچېن ڨابې بېكێزېعان
Налъи к1очонареб, би бакъвалареб
ناڸێ گۈچۈنارېب،  بێ باقُالارېب
Лъик1ав чиясе цо раг1и, лъик1аб чодуе цо ц1ал
ڸێگاو چێياسې صۈ راعێ،  ڸێگاب چۈدۇيې صۈ ضال
Дуцаго ц1еч1еб туманк1 кьвагьуге
دۇصاڬۈ ضېڃېب تۇمانگ ڨُاهۇڬې
Х1алт1арасда лъала хинк1азул т1аг1ам
حالطاراسدا ڸالا خێنگازۇل طاعام
Берцинай беразе, ц1одорай рек1ее
بېرصێناي بېرازې،  ضۈدۈراي رېگېيې
Мунги хан, дунги хан, чуязе хер лъица балеб
مۇنڬێ خان،  دۇنڬێ خان،  چۇيازې خېر ڸێصا بالېب
Киве аниги нуцалчиясе бертин, берталъе аниги мискинчиясе х1алт1и
كێوې انێڬێ نۇصالچێياسې بېرتێن،  بېرتاڸې انێڬێ مێسكێنچێياسې حالطێ
Мискинлъи рогьо гуро, бечелъи гьунар гуро
مێسكێنڸێ رۈهۈ ڬۇرۈ،  بېچېڸێ هۇنار ڬۇرۈ
Бицунареб гьикъуге, гьикъулареб бицунге
بێصۇنارېب هێقۇڬې،  هێقۇلارېب بێصۇنڬې
Маг1арда чан бук1аго, чурун хьаг ц1еда лъоге
ماعاردا چان بۇگاڬۈ،  چۇرۇن ڮاڬ ضېدا ڸۈڬې
Кинавго имам Шамил г1адав вахъинч1ев,
Кинавго бах1арчи Х1ажимурад г1адав лъугьинч1ев
كێناوڬۈ ئێمام شامێل عاداو واڅێنڃېو
كێناوڬۈ باحارچێ حاجێمۇراد عاداو ڸۇهێنڃېو
Г1одов г1адатав, чода аздагьо
عۈدۈو عاداتاو،  چۈدا ازداهۈ
Хвалчада гурх1ел гьеч1еб, гуллида берал гьеч1ел
خُالچادا ڬۇرحېل هېڃېب،  ڬۇلّێدا بېرال هېڃېل
Х1инкъиялдалъун чи къадаралдаса ворч1уларо
حێنقێيالداڸۇن چێ قادارالداسا وۈرڃۇلارۈ
Лъеца нух балагьулеб, гуллица тушман валагьулев
ڸېصا نۇخ بالاهۇلېب،  ڬۇلّێصا تۇشمان والاهۇلېو
Бац1ил кьер хисула, г1амал хисуларо
باضێل ڨېر خێسۇلا،  عامال خێسۇلارۈ
Мун гъалбац1 ватани, г1адамалги г1анк1ал гурел
مۇن غالباض واتانێ،  عادامالڬێ عانگال ڬۇرېل
عۇمار اسحاباسۇلڬێ مادێنايالدې واڃاراو ضێياو چێياسۇلڬێ كّاراب قێسّا.

صۈ سۈردۈياڸ عۇمار اسحاب (جێندا الّاه رازێڸاياو) مادێنا شاهارالدا سُېرۇلېو وۇگۇنا جێندێر خالق كێناب حالالدا بۇڬېبالێ بێڮێزې. هېسدا بێڮۇلا شاهاراڸۇل راعالدا صۈ چادێر ڃُان،  صېبېكّۇن جێب بۇگێنڃېب وا جێندا بێڮێڃېب. هېس نۇخ بۈسۇلا هېب بۇڬېب راڅالدې،  جێنصا هېڸۇل حاقاڸۇڸ هێقۇلاڬۈ. هېلدې عاڬارڸارابڬۈ هېسدا هېنێسان ئێنساناسۇل هارڨال راعۇلا. هېس ڸێگ گُارڬێ ڨۇن احۇلا. هېنێسان قُاطێوې واڃۇنا صۈ چێ،  هېسدا هێقۇلا مۇن شێو ابۇن؟ هېس ابۇلا دۇن وۇڬۈ فۇلاناو چێ،  فۇلاناب رۈسۇڸا،  جێدېيې قُارێڸێ كّۇن بۇڬێلا وا كۇمېك حاجات بۇڬێلا.
هېدێنڸێدال راڃانێلا هانێرې جێوڬێ ڃۇجۇڬێ،  عۇمارێل كۇمېك طالاب هابۇن. جێدېدا ڸالێلا هېس جێندا هۈرڨ بۇڬېب خالقاڸې كۇمېك هابۇلېبڸێ وا هېب ڮێڮۇلېبڸێڬێ. عۇمار اسحاباس ابۇلا هاب شێب هاراڨ ابۇن. هېس ابۇلا هېي ڃۇجۇ يێڬێلا ئۇنتۇن،  ڸێمال هارێزېڅێن. صێنڬێ عۇمار اسحاباس هێقۇلا نۇجېر چێ وۇڬێشێن هېڸێې ڃاراڅانڸێ هابێزې باجارۇلېو ابۇن. هېس ابۇلا هېڃێن،  جێوڬێ هېيڬێ ڬۇرۈنێ. صێنڬێ هێقۇلا نافاقا بۇڬێشێلا هېي كُانازې هايێزې. هېس ابۇلا هېڃێن. صێنڬێ اسحاباس ابۇلا مۇن بالاهۇن ڃايێن،  جێو واڃێنێلا هانجې هېڸێيې نافاقاڬێ بۈسۇن وا ڃاراڅانڬێ ياچۇن. ئۇنا عۇمار اسحاب رۈقۈوې. هېنێي يێگۇنا هېسۇل ڃۇجۇ ئۇمّۇكۇلسۇم - عالێ اسحاباسۇل ياس (جێدېدا الّاه رازێڸاياو) هېس احۇلا: «لې،  ساخازۇل ياس. دۇڅ بۇڬێش ڸێگڸێ الّاهاس دۇيې ڨۇراب؟». هېڸ هێقۇلا شێبێن كّاراب؟ اسحاباس ابۇلا دۈيا مادێناياڸۇل راعالدا يێڬێلا صۈ مێسكێناي،  فاقێراي ڃۇجۇ،  ڸێمال هارێزې ئۇنتێڬێ ڃُان. هېڸ هێقۇلا دۇيې بۈڨۇن بۇڬێشێن جێنصا جێندێر نافساڸ هېڸێيې ڃاراڅانڸێ هابێزې؟ هېس ابۇلا ياڅايێن،  ساخازۇل ياس،  حادۇرېيێن ڃۇجۇعاداناڸې ڸێمال هارێزې قُارێعۇنېب جۈ وا جێوڬۈ واڅۇنا كُېن بۈسێزې وا كُېن بېڸێنې قُارێعۇنېل جال رۈسێزې. هېلڬێ رۈسۇن هېل گێيالڬۈ ئۇنا دۈرې وا ئۇمّۇكۇلسۇم ڸۇهۇنا چادێرالدې جانێيې ڃاراڅانڸێ هابێزې. عۇمار اسحاب وا هېو چێ ڸۇهۇنا هېڸێيې كُېن حادۇرێزې. صۈ زامانالدا هېڸ احۇلا: «لې،  مۇئمێنزابازۇل امێر. رۈخېل بێصې هېسدا - هېسێيې الّاهاس واس ڨۇنا،  هېسۇل ڃۇجۇڬێ ساخ سالاماتڬۈ يێڬۈ». هېو چێ عاجائێبڸۇن ناڅېعان گانضۇلا هېڸ «لې،  مۇئمێنزابازۇل امێر» ابۇلېب راعارابڬۈ،  شايڬۇرېڸۇل دۈسدا ڸالېو وۇگێنڃۈ دۈو وۇگێن عۇمار اسحاب (جێندا الّاه رازێڸاياو). عۇمار اسحاب هێمۇلا وا ابۇلا: «عاڬارڸې،  عاڬارڸې،  دۇن وۇڬۈ خاطابێل واس عۇمار،  دۈيڬێ يێڬۈ ئۇمّۇكۇلسۇم - عالێ اسحاباسۇل ياس». عۈدێلاڬۈ ناكازدا ڃۈلا هېو جێندێر ڃۇجۇياڸې ڃاراڅانڸێ اواراڬاسۇل رۇقاڸۇل اهلۇياڸۇل چێياسێشێن هابۇراب،  جێندێيېڬێ جێندێر ڃۇجۇياڸېڬێ كُېن حادۇرۇلېو مۇئمێنزابازۇل امێرێشێن وۇگاراو ابۇن. صێنڬێ اسحاباس ابۇلا جێو واڃێنێلا دۇيې جێدېر خۇطاراب جۈياڸۇل نافاقاڬێ بۈسۇن. هاب بۇڬۈ اواراڬاسۇڅا باڃاراب نۇخ (جێندا الّاهاسۇل سالات سالام ڸېياو)،  عۇمار اسحاباسۇل داراجا ئېخېدې بۈرخێزې هابێڃۈ صۈڬۈ جێنصا رارال كاكاز وا كّۇراب گالاڸ وا هابۇراب عێباداتاڸ،  وا جێنصا دۇنيالالدا راغۇن راهارال راڨازڬێ. هېسۇل هېدێنڬۈ ئێنساناسدا ڬۇرحۇلېب،  ڃۇحێ هېڃېب،  الّاهاسې مۇطێعاب،  حېرېناب،  حالێماب راگڬێ بۇگانا. هېس طۈصېبې جێندێر نافساڸۇل هابۇلېب بۇگانا عادلۇ. حێساب الّاهاس قێياماسېب قۈياڸ هابێلالدې،  هېدێنڬۈ حاقاب جۈ باچۇنېب بۇگانا عادلۇ نێزامالدې. هېس دۈو چێ تېڃۈ مۇن شێو،  كێسا واڃاراو،  شێب تۇخۇماڸۇل،  واڃاراو باگالدې ايێن ابۇن. جێوڬۈ دۈسدا ڸازې بێچّاڃۈڬۈ واڅۇن ڃانا دۈسۇل څۇلۇڅ طۇبازې. هېدێناب بۇگانا عادلۇ،  هېدێنڸێدال الّاهاس راهانا عېمېرال فاچالێڅال هېسۇل كُېرالداڸۇن. هاب بۇڬۈ شارێعاتڬێ وا هاو وۇڬۈ شارێعاتاڸۇل راعدۇڨ وۇڬېو حاكێمڬێ. نۇجېدا ڸازې بۈڨۇن باتانێ،  لې،  هال حاكێمزابێ (جال بۇسۇربابێ رۇڬێن وا جال الّاهاسۇڨا حێنقۇلێن ڃارال).

شامێلێدې

طێنڃۇڸ مۈضاڸۇل ٤ قۈياڸ ڬۇمبېت مۇڅاڸۇل تاخرۈسۇ مېڸېلطا بۇگاراب عالێمزابازۇل ماجلێسالدا خێرامۇحامادێصا ضالاراب نازمۇياڸ حايران هارۇنا ماجلێساڸۇل عاڮالچاعێ. شێواسۇل رېگېڸ بۈسۇن ڸۈلېب بۇڬێلان كّۈلېب بۇگانا هېس اوار ادابێياتاڸۇل څُادارۇڅان عالێحاجێياسۇل اساراڸۇل ماعنا.

شامێلێدې

هاب داغێستاناڸۇل غاجالدا ڸۇرال،  راغۇل چێنال رۇڬۈ چێداي شۈلارېل.
چانڬێ ماعنا بۇڬېو ماعارۇلاسۇل،  مۇعرۇزدې بێچّاراب ڃۇحێ بێڮۇلێش؟
ڃُان خُېيڬێ عێد بۇڬۈ عۈلۈڅابازې،  عالام ئۇرڅاراب ضار ناڅې بۇڬۈنێ.
بېرال قانشۇنێلان قادرۇ خۈلارۈ،  خالق باخێلاب هۇنار بێصادې تانێ.
بالاهاڸۇل قۈياز قێرارال صابێ،  قالمالڸۇن راڅۇنا ناڅې رۇڬېزې.
راغدا هۇنار طۈگال هۇدۇلزاباصا،  هال مۇعرۇزدا ڃُانا ڃۇحۇن بايراڅال.
بێدۇل رېطېل چۇرێ نێچداي بۇگاراب،  راچېل قانڬۈ انێن قۈلۈ شۇڬۈ سۈن.
شُاراب رۇغنال رێغێن عايێبداي بۇڬېب،  ماعێدا ياراغ بان عۈدۈر رۇگێنڃێن.
دێر كارانزۇل بۇحێ باحارچێياسۇڅ،  حالاي چێ هېڃۈڬۈ چۇدكاصا شُاراو.
چېرخاڸۇلڬۈ سۈرۈي سۈردۈ قۈياڸۇڅ،  قادرۇياب هۇرمادا هۇرێ رېڃّاراب.
راڸداڸ ڬاما عاداو ڬۇچ بۇڬېو ئێمام،  ڬېندېرێل قُارێڸۇڅ قۈقڸۇن راعۇلا.
قۈيازدا نۇر باراو باهادۇراسې،  بالاهې،  شُاراب خُېل رۈسدال راعالدا.
ماعارۇل خالق ضۇنۇن ضاداوې ڸُێندال،  ڸّارال قُاگێ ڸانا قێرالاسدا دۇر.
دۇرڬۈ واطاناڸۇڅ طۇراب بێدۇصا،  دۇر شۇجاعاتاڸې نۇعڸێ هابۇنا.
ڸابڬۈ عۇن ڸاعېلاڸ ڸۇراب عادلۇياڸ،  عاطێداب راگ غۇنا غازێزابازدا.
غازاوات ڸالارېل ڸېلال عادامال،  ڸێگاب قێماتاڸې قاڃان ڸۇهانا.
نێڸېر ئۇمۇمۇزۇل ئێمامۇل اعزام،  انا دۇنێيال تۇن غازێمۇحاماد.
غۇزاتاڸۇل قۈلدېن باڅۇلېب قۈياڸ،  افاقال باعارڸێ بێصۇن راعانا.
ماعارۇل ڃاڬۈڸێ ڃوازې شُانێلان،  تۇشبابازۇل بۈيال رۈخۇن راتێلا.
ماخّۇل سانڬارالدا سُېرۇڅ ڸُانێلان،  سارداراسۇل اسكار ڃۇحۇن باتێلا.
ڃا،  نۇج عېدېعۇڬې،  عېلا غۇرارال،  عارصۇڅ راچارازۇل چامالێ سۈتنێ.
سابرۇيالدا رۇگا گێئابێلېسۇل،  گۇدێياب هێر بۇڬێن نۇجېدا ڸېزې.
ڸاعېل گێڬۈ ئێنڃېب امێرڸێياڸۇڅ،  ئۇمۇرال حالطانا حامزاتێل كۈدۈر.
بێدۇل هان رېگاراو هۈبۈلڬێ واڃۇن،  هابزازۇل كېف خُانا زالێمزابازۇل.
زۇلمۇياڸۇل ضاياڸ ضۇن بۇڬېب ئۇلكا،  ئېركېن هابۇن خُېزې هابۇنا خێيال.
خانزاباز چۇرڅاراب راعێياتالدا،  راغۇل قۇواتازۇل قۈلدېن رېطانا.
راڅ ضۇناراب ڨالۇل ڨۇڃڸۇن رۇگارال،  ڨالباڸا راڅانا،  ناڅې رېخانا.
مۇڅێڸ رېقۈلارېل قابائێلازې،  بالاهۇن بېر عۈلېو عالێم وۇگانا.
عادلۇ نێزام هېڃېب زالێماب قۈقا،  زارۇڨې باچۇنېو لاچېن وۇگانا.
چارانڬێ بێئۇنېب بالاهاڸۇل قۈ،  باڃۇن طادې شُانا،  شۇنغار بېڬانا.
باڸڬۈ جانێر ئۇرغۇن،  بۇغاتاصا ڃُان،  غالباض شاهێدڸانا صۈ ماسجێداڸۇو.
ئێمام حامزات خُېدال خارابڸاراب راڨ،  خُالچاصا چۇرێزې چێ قُارێعانا.
راهدا قۈ حېڮۈلېو،  حالڮێ ڸالارېو،  حال زۇلمۇ رێخاراو،  خُالچېن لېبالاو،
هال شۇرۇطال ڃاراو شۇلێياب ڨۇرۇ،  شامێل ئێمام تېزې تاسدێق هاوۇنا.
تۇشبابازۇل راغاز رۇغنال هارۇراب،  داغێستان قاڃازې قۈطێ بۈسانا.
قۈ كّېدال راتۇلېل ابطالال راچۇن،  راغۇل ئێرس بێڨانا هۈرڨۈبېڬێ بان.
بێياڸۇڅ قېچاراو چانڬێ راغۇڅان،  غاجالدا عۇجال ڸۇن،  نائێب هاوۇنا.
هۇنار طۈگاو وێڮۇن،  طادېڬێ احۇن،  رۇحالدا بێطاراب بېطېرڸێ ڨۇنا.
طۈبێطانا نۇخدې واطاناڸۇل خالق،  وێطاراسې – سالام،  طېقاسې – عاشطێ.
قانا ئۇلكايالدا ئێنكاراڸۇل نۇخ،  ڸێگاسې – ڃاڬۈڸێ،  ڃۇنتاراسې – خُېل.
ڃۇحدايې فېرخۈلېب فێتناياڸۇل ناگّ،  تۇنگێل هۇرێ باڅۇن،  ناڅېخۇن ضانا.
ضارۇيې غۇغالېب غاراياڸۇل زۈب،  ڸاداي بێيال طېدال،  طۇرطۇزې ڸُانا.
واطان هێطێناسې،  هۇنار طۈگاسې،  طۈلڬۈ ئۇلكابازۇل باركالا شُانا.
شاوكات كۇتاكاسې،  كۇمېك داهاسې،  داندێيال قۇلۇلېل قێماتال شُانا.
ماعارۇل چێيالێ چانڬێ واغاراو،  چۈل ڨۈلۈدا جانێب جېمۇن مۇسرۇڬۇن.
چانڬێ باحارزاصا رۇحال رێچارال،  چۈرۈكاب قاومالدې داندېڬێ راغۇن.
راغۇل بايدانالدې طادېڬێ ڮُادۇن،  گال هێقۇن بۈسانا واساصا الجان.
ڨالدا باحارزازۇل حۇڮېل قۈطێدال،  قانا ئێماماسۇل انڨابڬۈ تالێح.
ڨالۇل قۈ بێغاراب غۇنێب ماعاردا،  غالباضال كامۇنێش كُېردې مۇن اراو؟
مێسرێ حارام عاداب ماحالايالدا،  باحارزال طاعۇنێش طادې رێچّارال؟
ئێقبال صاداڅ ڮُادۇن ڮُاعاراب خُالچېن،  ڮۇلالدې شُېڃېڸۇل شێبێلان كّاراب؟ شُاراب عۈر نېچاراب چېرخاڸۇل هۇنار،  هالماغڸێ چارڸۇنێش باخچێزې كّاراب؟
زۈب راڨ هارهادۇلېب بېرهاراب شاوكات،  باهانا شێب كّۇنداي ناڅې بۇسّاراب؟
باق مۈض سۈرۈدۇلېب سێياسێياب ڬۇچ،  ساناعات قۈسۇنداي دۇداسا اراب؟
تۇشمان عېمېرڸێدال،  عادلۇ بێخّێدال،  ماخّۇل سانڬار تالخێن تاماشا ڬۇرۈ.
راغۇل دانغُا ڃُاراب داغێستاناڸۇل،  سالام بۇڬێن ابې ئێماماسدېخۇن.

Profile

maarulaw
Muhammad Saypulahilazul مۇحاماد سايفۇلاهێلازۇل

Latest Month

May 2015
S M T W T F S
     12
3456789
10111213141516
17181920212223
24252627282930
31      

Syndicate

RSS Atom
Powered by LiveJournal.com
Designed by chasethestars